Kosova luan ndeshjen e radhës miqësore sonte në “Fadil Vokrri” ndaj Komoreve, me fillim nga ora 19:00.

Pak para ndeshjes, dy futbollistë “Dardan” është konfirmuar se nuk do të jenë të gatshëm për këtë sfidë, shkruan Arbresh.info.

Lajmin e ka bërë të ditur vetë Federata e Futbollit të Kosovës, përmes një postimi në rrjetin social Facebook.

“Kreshnik Hajrizi dhe Ilir Krasniqi do të mungojnë në ndeshjen e sotme kundër Komoreve, për shkak të lëndimeve të vogla”, shkruhet në njoftimin e FFK-së.

“Stafi teknik në konsultim me stafin mjekësor ka vendosur që dy futbollistët të mos aktivizohen në ndeshjen e sotme, për të mos rrezikuar ndonjë lëndim më serioz”, thuhet më tej në njoftim.

Ilir Krasniqi luajti gjithë ndeshjen e parë miqësore tre ditë më parë ndaj Armenisë, të cilën Kosova e fitoi 5-2, ndërsa Kreshnik Hajrizi nuk pati minuta nga përzgjedhësi Foda./Arbresh.info